Tampax logo

Çfarë ka brenda pecetave higjienike ditore Always

Tek Always, ne e kuptojmë se jeni kureshtare të dini përmbajtjen e pecetave ditore. Ndaj me kënaqësi ju japim njohuritë që ju nevojiten.

Materialet që përdorim për pecetat Always janë të dizenjuara me kujdes për të siguruar rehati të përditshme dhe mbrojtje. Më poshtë mund të gjeni përshkrimin dhe funksionin e hollësishëm të çdo përbërësi në produktet tona.

Keni pyetje të tjera? Lexoni seksionin më poshtë të pyetjeve të shpeshta ose na dërgoni një mesazh.

A janë pecetat ditore Always të sigurta për përdorim të përditshëm?

Po, pecetat ditore tona janë të sigurta dhe përdoren çdo ditë nga miliona gra anembanë botës. Ne jemi të angazhuar të garantojmë sigurinë tuaj, prandaj produktet tona testohen me rigorozitet dhe vlerësohen nga ekspertë të pavarur si mjekë, shkencëtarë universiteti dhe autoritete shëndetësore. Materialet e pecetave ditore kalojnë mbi 1800 teste të cilësisë gjatë prodhimit, për të garantuar përdorim të sigurt. Laboratorë të pavarur çdo vit mbi 20 000 teste të pecetave tona ditore dhe përbërësve e tyre. Për më shumë, jemi krenarë që kemi fituar miratimin “Dermatologjikisht i Akredituar” nga Aleanca e Shëndetit të Lëkurës.

A mund të shkaktojnë acarim pecetat ditore?

Megjithëse acarimi nga pecetat ditore është një shqetësim i shpeshtë te shumë gra, duhet të jeni të sigurt se pecetat tona nuk shkaktojnë acarim në lëkurë. Testime rigoroze të sigurisë kryhen me të gjitha produktet tona, që të jenë të sigurta për përdorim. Një shembull të vlerësimit të sigurisë mund ta gjeni këtu.

A ju bëjnë keq pecetat aromatike? A mundet që pecetat ditore aromatike të shkaktojnë acarim nga poshtë?

Tek Always, jemi të përkushtuar për sigurinë tuaj, prandaj sigurohemi që produktet tona aromatike të jenë të sigurta për përdorim të përditshëm. Materialet që zgjedhim, duke përfshirë aromën në pecetat ditore aromatike, nuk shkaktojnë acarim të lëkurës ose kruarje. Përveç kësaj, këto aroma përmbushin standardet rigoroze të sigurisë të vendosura nga Shoqata Ndërkombëtare e Aromave, autoriteti kryesor për sigurinë e aromave në botë. Për ato që preferojnë produktet pa aromë ose mund të jenë të ndjeshme ndaj aromës, ne rekomandojmë produktet tona pa aromë, të cilat sigurojnë të njëjtën rehati.

A ka zbardhues me bazë klori në pecetat ditore?

Jo, pecetat tona pastrohen duke përdorur një proces pa klor, i cili është plotësisht i sigurt.

Pse bëhet zbardhim i pecetave ditore?

Furnizuesit me të cilët punojmë përdorin një proces pa klor për pastrimin e fibrave celuloze në produktet tona. Pastrimi kryhet për të eliminuar papastërtitë natyrore dhe për të pastruar fibrat në përgatitje për prodhim. Si rezultat i këtij procesi, fibrat zbardhen edhe pse nuk është ky qëllimi. Një metodë alternative është pastrimi i fibrave të celulozës, që është krejtësisht pa klor dhe përdor peroksid hidrogjeni.

A keni ngjyra toksike në pecetat tuaja ditore?

Jo, nuk ka. Shkencëtarët, ofruesit e kujdesit shëndetësor dhe autoritetet i vlerësojnë me kujdes pigmentet para miratimit të tyre, si të sigurt për përdorim në disa nga pecetat tona ditore.

Si garantoni se pecetat ditore tuaja janë të sigurta?

Procesi ynë i vlerësimit bazohet në shkencë, në punë rigoroze për të garantuar sigurinë tuaj. Para nxjerrjes në treg, çdo produkt dhe material duhet të përmbushë standarde të rrepta të sigurisë të bazuara në shkencë. Për më tepër, vlerësimi ynë bashkëndahet me shkencëtarët, ofruesit e kujdesit shëndetësor dhe autoritetet, të cilët garantojnë që produktet tona të jenë të sigurta për përdorim. Ju mund të gjeni më shumë informacion të detajuar rreth procesit tonë të sigurisë te faqja jonë e korporatës.

Angazhimi Always për sigurinë

Ne kemi qenë gjithmonë të angazhuar për të garantuar që të gjitha produktet tona të përmbushin standardet e rrepta të sigurisë. Përveç kësaj, sigurohemi që ekipet e ekspertëve të pavarur të kryejnë vlerësimet e sigurisë dhe shqyrtimet e përbërësve për të garantuar që produktet tona të plotësojnë kërkesat e tyre të sigurisë për lëkurën. Për këtë arsye jemi shumë krenarë që kemi marrë miratimin “Dermatologjikisht i Akredituar” nga Aleanca e Shëndetit të Lëkurës.

Çfarë është Aleanca e Shëndetit të Lëkurës?

Me fjalët e tyre: “Aleanca e Shëndetit të Lëkurës bën akreditim profesional dermatologjik të produkteve, shërbimeve dhe markave në mbarë botën.

Ne i ndihmojmë konsumatorët të ndihen të sigurt në zgjedhjet e tyre, duke i siguruar se produktet janë verifikuar në mënyrë të pavarur si të sigurta për lëkurën.

Ne jemi gjithashtu krenarë të mbështesim një sërë bamirësish dhe kauzash për lëkurën përmes punës sonë”.

https://www.skinhealthalliance.org/about-us/

Always (Always Ultra, Always Night, Always Sensitive) u është dhënë miratimi “Dermatologjikisht i Akredituar” nga Aleanca e Shëndetit të Lëkurës.

Çfarë do të thotë pasja e Akreditimit nga Aleanca e Shëndetit të Lëkurës?

“Logoja e akreditimit dermatologjik nga Aleanca e Shëndetit të Lëkurës është një garanci që produktet i kanë plotësuar kërkesat tona të sigurisë së lëkurës. Këto kërkesa nuk përcaktohen nga prodhuesi ose marka, në vend të kësaj ato pranohen nga ekipi ynë i dermatologëve kryesorë dhe shkencëtarëve të pavarur të lëkurës”. James Stalley, Menaxher Ekzekutiv, Aleanca e Shëndetit të Lëkurës

Për më shumë informacion, shqyrtoni burimet e mëposhtme:

Faqja e internetit të Aleancës për Shëndetin e Lëkurës - https://www.skinhealthalliance.org/

dhe videoja se kush janë/çfarë bëjnë ata: https://www.youtube.com/watch?v=NA-lr0UMxC4